顶点小说

第45章（第3页）

徐茂荣却问潘三道：“为啥倪余庆哥匆来？阿是耐得罪仔俚？”

潘三未及答话。

夏余庆喝住道：“（要勿）瞎说哉，倪有公事来里！”

第五十五回终。

第五十六回私窝子潘三谋胠箧破题儿姚二宿勾栏

按：潘三因夏余庆说有公事，逡巡出房，且去应酬楼上客人。

徐茂荣正容请问：“是何公事？”

夏余庆道：“耐一班人管个啥公事，倪山家园一堆阿曾去查查嗄？”

茂荣大骇道：“山家园阿有啥事体？”

余庆冷笑道：“我也匆清爽！

今朝倪大人吩咐下来，说山家园个赌场闹猛得势，成日成夜赌得去，摇一场摊有三四万输赢哚，索性勿像仔样子哉！

问耐阿晓得？”

茂荣呵呵笑道：“山家园个赌场末，陆里一日无拨嗄！

我道仔山家园出仔个强盗，倒一吓。

难明朝我去说一声，教俚哚（要勿）赌仔末哉。”

余庆道：“耐囗来浪搭个浆，晚歇弄出点事体来，大家无趣相！”

茂荣移坐相近，道：“余庆哥，山家园个赌场，倪倒才匆曾用过一块洋钱囗。

开赌个人，耐也明白来浪。

几花赌客才是老爷们，倪衙门里也才来浪赌（口宛）。

倪跑进去，阿敢说啥闲话？故歇齐大人要办，容易得势，我就立刻喊齐仔人，一塌括仔去捉得来，阿好？”

余庆沉吟道：“俚哚勿赌仔，倪大人也匆是定归要办俚哚。

耐先去拨仔个信，再要赌末，生来去捉。”

茂荣拍着腿膀道：“原说呀，有几个赌客就是大人个朋友。

倪勿比仔新衙门里巡捕，有多花为难个场花哚呀！”

余庆怫然作色道：“大人个朋友，就是李大少爷末赌过歇，勿关倪事。

倪门口里啥人来浪赌？耐说说看。”

茂荣连忙剖辨道：“我匆曾说是门口里（口宛）。

倘然耐门口里有人去仔，我阿有啥勿告诉耐个嗄？”

夏余庆方罢了。

徐茂荣笑着，更向华忠、赵朴斋说道：“倪个余庆哥，故末真真大本事！

齐府浪通共一百多人哚，就是余庆哥一干子管来浪，一径勿曾有歇一点点差事体。”

请关闭浏览器阅读模式后查看本章节，否则将出现无法翻页或章节内容丢失等现象。